Deséxase atopar programas de edición de vídeo para realizar pequenas películas no ordenador: tutoriais, documentais, etc.

Interesa coñecer qué programas existen no mercado, as súas características, indicando idioma, licencia, código aberto ou non, precio e sistema operativo no que traballa.

No novo ano 2008 retomamos o consultorio tecnolóxico cunha consulta sobre software. Coa finalidade de crear tutoriais para ensinar a manexar determinados programas, interesa atopar algún software (tanto para Windows como para Linux) que permita grabar en vídeo as accións do usuario no escritorio así como facer capturas de pantalla. Con este material realizarase logo un tutorial en vídeo comentado con voz en off para publicar e compartir na rede.

¿Qué programas coñeces deste tipo? ¿Qué características teñen? ¿Cómo se poden conseguir o de onde se poden descargar?

Unha consulta sobre discos duros.

Un usuario dispón dun ordenador cun único disco duro de 10 GB dividido en dúas particións, unha de arranque de 5 GB con Windows XP instalado e outra tamén de 5 GB para datos. Descoñécese o sistema de arquivos das particións (FAT, NTFS).

Cando o volume de datos crece a capacidade de disco tórnase insuficiente, así que o usuario decide ampliar o espacio de almacenamento no seu ordenador e mércase un disco duro con maior capacidade para gardar todos os datos.

Agora deséxase configurar o sistema para que a partición de arranque de Windows XP ocupe todo o disco de 10 GB de xeito que todos os datos estén no disco novo. Así que móntase o disco novo, formatéase e móvense os datos dende a partición de 5GB ata a de datos do novo disco.

¿Qué pasos hai que seguir de aquí en adiante para que a partición de arranque ocupe todo o disco de 5GB?

¿Qué programas hai dispoñibles para reorganizar as particións? ¿Son gratuitos? ¿Onde se poden conseguir? ¿Cómo se utilizan?

Unha nova cuestión para o Consultorio Tecnolóxico:

“Quero instalar un sistema operativo (en concreto Ubuntu Gutsy) nun ordenador que non dispón de unidade de CD, ¿poderíao facer dende un usb?

O equipo é bastante novo, ¿sería posible arrancalo dende o usb?

E supoñendo que fora posible, ¿poderíase meter nese usb o disco de instalación dun sistema operativo como Ubuntu (ou Windows)?

¿Cómo se podería facer todo isto?

Moitas grazas pola vosa colaboración “

Un usuario de servicios de banca electrónica pregunta qué problemas de seguridade pode ter á hora de conectarse dende a súa casa á páxina do banco. No seu domicilio dispón dunha conexión ADSL de Telefónica e ten configurada unha rede WiFi á que se conecta sen fíos utilizando o seu portátil.

¿Qué xeitos hai de que alguén poida acceder ás súas contas no seu nome? ¿Qué medidas de seguridade debería implantar na súa rede?

Unha profesora está interesada en proxectar ao seu alumnado un vídeo atopado na páxina Youtube. O problema é que no lugar de proxección non dispón de conexión a Internet, e aínda que a houbera quizáis sería demasiado lenta.

A pregunta é: ¿É posible descargar a un ordenador dalgunha forma os vídeos de Youtube (e quizáis tamén outras páxinas similiares) para poder visionalos sen necesidade de conexión a Internet? E se é así, ¿cómo se fai?

Se coñeces algunha solución agradecemos os teus comentarios

Iniciamos hoxe neste blog un servizo básico de consultorio e soporte tecnolóxico. A finalidade do mesmo é resolver problemas habituais da xente, máis ou menos técnicos, relacionados coas redes e as novas tecnoloxías, e tamén utilizalo nas aulas do ciclo de informática para fomentar o debate, achegar aos alumnos a casos o máis reais posibles e, entre todos, tratar de dar unha solución.

E inauguramos o consultorio cunha pregunta sobre redes inalámbricas. Extraemos a continuación o texto máis importante da mesma, sen incluir datos persoais sensibles da persoa que solicita axuda:

” … eu estou intentando ter internet … Vivo a escasos 20mts do colexio Xuño e do camping que está en frente deste. Ámbos teñen internet, a través de router wifi … Ahora estaba mirando como aumentar a señal e encontrei este artículo e quería que me deses a túa opinión http://www.canariaswireless.net/modules.php?name=News&file=print&sid=637 . É para aumentar a señal, porque chegar chéga algunha, a do camping concretamente e eles xa me dixeron que se me facía falta algun contrasinal ou algo que non dudase en pedirllo así que se podes votarme unha man agradeceríacho. Chega sinal pero non dou entrado en internet non sei se me falta algo por configurar ou que fago mal, se tes algúns apuntes de redes wifi ou como facer mandame algo …”

Para dar resposta a esta consulta ou algunha pista sobre a súa resolución pódense utilizar os comentarios a este artigo, publicando a propia solución ou enlaces que nos leven a páxinas con máis información.