Título: Taller de Blogs.
Duración: 3 horas
Lugar: Aulas de informática do IES Leliadoura
Datas e Horarios: Marzo de 2008.
Impartido por: Alumnado ASI.

Obxectivos:

● Dar a coñecer os blogs como medio de comunicación e difusión de información.
● Adquirir os coñecementos básicos para a creación e mantemento dun blog.
● Divulgar os lectores de RSS, as ferramentas que facilitan a lectura dos blogs.

Contidos:

1.- Qué é un blog ou bitácora.
2.- Para qué serve un blog. Exemplos en Internet.
3.- Cómo funciona un blog dende o punto de vista do lector.
4.- Cómo conseguir o teu propio blog. Dar de alta un blog gratuito.
5.- Edición básica de entradas. (Título, categoría, contido, publicar)
6.- Administración básica do blog.
7.- Edición avanzada de entradas. (Imaxe, audio e vídeo)
8.- Administración avanzada do blog.
Anexo I.- Variantes dos blogs: fotoblogs, podcast, etc.
Anexo II.- Lectores de blogs. Tecnoloxía RSS. Feedreader.

Requisitos

Un aula de informática e un sistema con navegador e acceso a Internet.
Máximo recomendable de prazas por curso: 14-15
Máximo de prazas total por curso (1 alumno/pc): 22

O Portal Galego de Contidos Educativos ofrece nesta guía unha serie de recomendacións xerais e específicas para a redacción e deseño de contidos que se desexen publicar na rede.

Podemos engadir vídeo ao noso blog, o que sempre lle dará á nosa páxina moita máis animación e vidilla. A forma de facelo depende do tipo de blog que teñamos rexistrado (Blogaliza.org, WordPress.com, MundoWeblog.com, etc.) e tamén da orixe do vídeo que pretendamos amosar.

A forma máis normal de facelo é enlazar, mediante un código especial no noso post, uns datos que obteremos nas típicas páxinas de vídeo en liña, como YouTube ou Google Vídeo.

Como engadir un vídeo se o teu blog ven de:

• Blogaliza.org
• WordPress.com

Se o que pasa é que dispoñemos dun vídeo de producción propia que non se atopa na rede e non podemos enlazar, que nin se nos pase pola cabeza subir o arquivo ao noso blog como facemos con algunhas imaxes, pdf’s, etc. A recomendación neste caso é subilo a ditas páxinas (YouTube, Google Vídeo) e enlazalo dende alí de xeito normal.

En calquera caso, e ainda que o ancho de banda aumenta sen cesar, debemos ter en conta, que non todo o mundo posúe unha banda ancha para poder ollar contidos tan ‘pesados’.

Un blog ou unha páxina web non teñen moita utilidade se ninguén os visita ou consulta. Hai moitas estratexias de promoción comúns a webs e blogs, coma, por exemplo:

• enviar correos anunciando a súa posta en marcha
• Firmar os nosos correos electrónicos incluindo a dirección do sitio
• Rexistrarla nos buscadores
• Incluir a dirección no membrete do papel do negocio ou organización
• Anunciala por televisión ou outros medios de comunicación
• Unha vez posta en marcha podemos facer que os visitantes volvan mediante técnicas adicionaies como listas de correo que informen aos usuarios das novedades.

A continuación enlazamos un par das moitas páxinas onde se comentan diferentes estratexias para promocionar os nosos artigos:

• “10 claves para Promocionar los Posts”
• Promoción web

Á hora de utilizar imaxes en Internet, xa sexa para publicar nunha web ou blog, ou para enviar por correo electrónico ou por outros medios, debemos ter en conta algúns conceptos básicos:

¿QUÉ É UN PÍXEL?

Un píxel (ou punto) é cada un dos pequenos cadradiños que compoñen unha imaxe dixital. Podémonos facer unha idea comparando unha imaxe dixital cun mosaico formado por centos ou milleiros de pequenos cadradiños de cores. O píxel é a unidade mínima de información dunha imaxe dixital.

TAMAÑO E RESOLUCIÓN DA IMAXE

O tamaño dunha imaxe describe as súas dimensións físicas (ancho e alto) e mídese en píxeles. Por exemplo 540×200 indicaría 540 píxeles de ancho e 200 de alto. Pero, en realidade, ¿canto mide un píxel? Pois depende da resolución do dispositivo no que visualicemos a imaxe.

A resolución indica o número de píxeles que caben en cada unidade de lonxitude. Estas medidas poden indicarse en píxeles por pulgada (ppp), e en ocasións tamén en puntos (píxeles) por centímetro). Así, por exemplo, se a nosa impresora ten unha resolución de 300 ppp e imprimimos unha imaxe de 1.500×900 píxeles, o tamaño da imaxe no papel será de 5×3 pulgadas. Se disminuíramos a resolución de saída a 150 ppp, o tamaño da imaxe en papel multiplicaríase por 2.

E o mesmo ocorre coa pantalla do ordenador, ao aumentar a resolución da pantalla as imaxes ocupan menos espacio e represéntanse máis pequenas, e ao disminuíla aumentan de tamaño.

¿Cal é a mellor resolución para unha imaxe? Pois dependerá do uso que vaiamos a facer dela e onde a vaiamos a visualizar. Se se trata da pantalla do ordenador ou para publicala en Internet, cómpre lembrar que as resolucións máis habituais hoxe en día son as de 800×600 e 1024×768.

PESO DO ARQUIVO DE IMAXE

A hora de utilizar unha imaxe en Internet é fundamental ter en conta canto ocupa o arquivo de imaxe que a contén (mídese en bytes, kilobytes , megabytes), xa que tanto o espacio de almacenamento coma o ancho de banda na rede é limitado, e canto máis ocupe ou “pese” máis tempose tardará en transmitir polo liña de comunicación. Hay moitos factores que inflúen no peso das imaxes, dende as súas dimensións e o número de cores ata o formato de arquivo gráfico utilizado. Os diferentes formatos gráficos que se citan a continuación permiten comprimir as imaxes de diferentes xeitos facendo que éstas pesen o mínimo imprescindible.

FORMATOS DE ARQUIVOS DE IMAXE
BMP (BitMaP)

Comezamos falando do tipo de imaxe que NUNCA deberiamos utilizar en Internet, nin para publicar nin para enviar por correo electrónico. O formato BMP non utiliza ningún tipo de compresión polo que o tamaño ou ‘peso’ da imaxe en bytes (KB, MB) vai ser sempre demasiado grande.

JPG/JPEG (Joint of Photographic Experts Group)

Ventaxas:

• Admite millóns de cores. Especialmente indicado para fotografías.
• Xenera arquivos de tamaño/peso relativamente baixo.
• Amplia compatibilidade con diferentes navegadores e plataformas.

Desventaxas:

• A compresión implica unha perda de calidade non reversible. Non se pode recuperar o orixinal.

GIF (Graphic Interchange Format)

Ventaxas:

• Permite transparencias.
• Amplia compatibilidade con diferentes navegadores e plataformas.

Desventaxas:

• Máximo de 256 cores. As fotografías e degradados vense moi mal.

PNG (Portable Networks Graphic)

Ventaxas:

• É un formato de compresión sen perdas de calidade, recomendado pola W3C.
• Na maioría dos casos obtense a mellor relación calidade/peso da imaxe.
• Permite millóns de cores.
• Admite transparencias.

Desventaxas:

• As imaxes con moitas cores e texturas poden ser moi pesadas. Neste casos pode ser mellor usar JPG.
• A compatibilidade non é completa en navegadores e sistemas antigos.

Existen multitude de programas de edición de imaxes. Dende aquí recomendamos o GIMP, gratuito, de software libre e con tal multitude de funcionalidades que pouco ten que envidiar a outros comerciais e con máis cona coma o Photoshop ou o CorelDraw. Pódese descargar a versión para Windows.

No seguinte arquivo PDF podes atopar unha lista de sitios web onde rexistrar un blog de forma gratuita.

Sitios web que ofrecen blogs gratuitamente

Para facerse unha idea do que é un blog o mellor é consultar a Wikipedia.